رۆژی هەینی رابردوو 7/3/2025، خولی تۆپی پێی ئەستێرەكانی یانەكانی عیراق، پێی نایە هەفتەیەكی نوێی یارییەكانییەوە كە هەفتەی 23 –ی یارییەكانی بوو، لە ماوەی سێ رۆژدا، هەینی تا یەكشەممەی رابردوو، سەرجەم یارییەكانی ئەم هەفتەی نوێیە كران، لەگرنگترین یارییەكانی ئەم هەفتەیەدا، نەورۆز لە نێو یاریگا و هاندەرانێكی زۆری خۆی و لە درەنگانێكی شەودا و لەژێر روناكایی پرۆجێكترەكانی یاریگای خۆی، نەیتوانی بەربەستی قووەجەوی ببڕێت و 0-1 بە یانەكەی بەغدا دۆڕا.
شورتەش لە یاریگای خۆیدا توانی 4-0 لە كەبەلا و زەوراش توانی لە نەجەف بباتەوە، هەولێریش بە مینا دۆڕا، دیارە یاریی نێوان نەورۆز و قووە جەوی دوا یاریی ئەم هەفتە نوێیە بوو، تەواوی ئەنجامی یارییەكانی تر بەمشێوەیە بوون:
یارییەكان
هەینی 7/3/2024
*دهۆك × مەیسان –دواخرا.
*نەفت× ئەلقاسم–دواخرا.
*هەولێر 0 × 1 مینا.
شەممە 8/3/2024
*كەرخ 1 × 1 زاخۆ.
*نەجەف 0 × 1 زەورا.
*كارەبا 1 × 1 دیالە.
یەكشەممە 9/3/2024
* نەورۆز 0 × 1 قووە جەوی.
*شورتە 4 × 0 كەربەلا.
*حدود 3 × 0 كەرمە.
*نەوتی بەسرە 0× 2 تەڵەبە.
ئەنجامەكانی نەورۆز ناجێگیرییەكیان پێوە دیارە، ئەمانە ئەنجامی پێنج هەفتەی پێشووی نەورۆزە لەم خولە گرنگەی عیراقدا:
*رۆژی 10/2، دێربی كوردستانی 2-0 لە هەولێر بردەوە.
*دواتر رۆژی شەممە 15/2، لە نێو یاریگا و هاندەرانیدا 1-1 لەگەڵ زەورا یەكسان بوون.
*رۆژی 20/2، لە هەفتەی 21 –دا لە بەغدا ئەنجامێكی باشی تری تۆمار كردو ئەمجارە 4-1 لە دیالەی بردەوە.
*بەڵام لە هەفتەی 22 دا، لەدەرەوەی یاریگای خۆی 0-2 بە كەرمە دۆڕا.
*لە هەفتەی 23 دا رۆژی 9 –ی مارس میوانداریی لە قووەجەوی كرد و 0-1 ئەم یارییەی دۆڕاند.
یانەی زاخۆ هەرچەندە ئەم هەفتەیە لە بەغدا لەگەڵ كەرخ یەكسان بووە، بەڵام ئێستا بە 46 خاڵ، هەر لە لووتكەی ریزبەندیدا ماوەتەوە و زەورا دووەم و شورتە سێیەمە و قووە جەویش چوارەمی ریزبەندییە، یەكەم تاشەشەمی ریزبەندییش بەمشێوەیەیە:
-1 زاخۆ (23 یاری) (46 خاڵ).
-2 زەورا (23 یاری) (46 خاڵ).
-3 شورتە (21یاری) (44 خاڵ).
-4 ق. جەوی(23 یاری) (41 خاڵ).
-5 تەڵەبە (22 یاری) (37 خاڵ).
-6 دهۆك (19 یاری) (34 خاڵ).
