توركیا، ژمارەیەكی زۆر تانك و تۆپ و زرێپۆش و تەقەمەنی رەوانەی سنووری شاری كۆبانی سوریا كرد كە لەژێر كۆنترۆڵی یەپەگەدایە. بە پێی هەواڵەكان تانك و زرێپۆشەكان لە ناحیەی سوروچی شانلی ئورفا جێگیركراون كە دەكەوێتە بەرامبەر شاری كۆبانی لە رۆژئاوای كوردستان.
رەوانەكردنی ئەم كاروانە سەربازییەش بۆ سەر سنووری رۆژئاوای كوردستان دوای ئیمزاكردنی رێككەوتنی نێوان ئەحمەد شەرع و مەزڵوم عەبدی دێت، كە بەپێی سەرچاوەكان بە ناوبژیوانیی ئەمریكا بووە.
