ئێوارە كۆڕێكی شیعر خوێندنەوە لە سنە

بەشی هونەری شۆڕشی ئیسلامی/پارێزگای كوردستان لە یادی 37هەمین ساڵەی كیمیابارانكردنی هەڵەبجە لە مەراسیمێكی شایستەدا بە بەشداری ژمارەیەك لە شاعیرانی كوردستانی ئێران و هەرێمی كوردستان سەر لە ئێوارەی 15/3/2025 لە هۆڵی سینەما بەهمەن لە سنە، سەعات 4ی ئێوارە بە كاتی ئێران ئێوارە كۆڕێكی شیعر خوێندنەوە رێكدەخات.
لەمبارەیەوە ئیبراهیم هەورامانی بە دوالاپەڕەی وت: لە هەرێمی كوردستان من لە هەڵەبجەوە بەشدارم و هەریەك لە (ساڵح بێچار و رۆژ هەڵەبجەیی لە سلێمانی) و (پەری خەیلانی و عیزەدین زەكیزادە لە هەولێر) وەك میوانانی هەرێمی كوردستان بە خوێندنەوەی شیعر بەشداری لە مەراسیمەكەدا دەكەن.
وتیشی: بڕیارە شاندەكە رۆژی هەینی بەرەو وڵاتی ئێران بەڕێبكەوێت، لەم مەراسیمەدا ژمارەیەك لە شاعیرانی شارەكانی كوردستانی ئێرانیش بەشدارن، بەڵام خاتوونی شاعیر (رۆژ هەڵەبجەیی) بەهۆی ناجێگیری باری تەندروستییەوە ناتوانێت لە مەراسیمەكەدا ئامادەبێت.
یەسنا محەمەد