لە راگەیاندراوێکی روانگەی سوری بۆ مافەکانی مرۆڤ هاتووە، کۆی ژمارەی کوژراوانی گرژییەکانی رۆژئاوای سوریا بۆ دوو هەزار و 89 کەس بەرزبووەوە، لەو ژمارەیەش هەزار و 557 کەسیان هاوڵاتیی سڤیلن.
روانگەی سوری ئاشکرایکردووە، کوژراوەکان 273 یان ئەندامی هێزە ئەمنییەکان و کارمەندی وەزارەتی بەرگریی حکومەتی راگوزەری سووریان و 259 شیان چەکداری عەلەوی بوون.
روانگەی سوری راشیگەیاندووە، زۆربەی کوژراوەکان لە پارێزگای لازقییە بوون، کە ژمارەیان 795 کەس بووە، دوای ئەویش تەرتووس دێت، کە 487 کەسی تێدا کوژرا و لە حەماش 262 کەس کوژراون
