لە راگەیاندراوێکدا، بزووتنەوەی حەماس لە دوای هێرشەکانی ئیسرائیل رایگەیاند، نەتانیاهوو بە بەرپرسیار دەزانین لە کاردانەوەی دەستدرێژییە خیانەتکارانەکەی سەر غەززە.
لە راگەیاندراوەکەی بزووتنەوەی حەماس دا هاتووە، داوا لە کۆمکاری عەرەبی و رێکخراوی هاریکاریی ئیسلامی دەکەین بەرپرسیارێتی خۆیان لە پاڵپشتیکردنی گەلەکەمان و شکاندنی گەمارۆی سەر غەززە لە ئەستۆ بگرن.
ئەوەشی راگەیاندووە، نەتانیاهوو و رژێمی زایۆنی بە تەواوی بەرپرسیارن لە پێشێلکردنی رێککەوتنەکە و هەڵوەشاندنەوەی، داوا لە نەتەوە یەکگرتووەکان و ئەنجوومەنی ئاسایشی نەتەوە یەکگرتووەکان دەکەین بەپەلە کۆببنەوە بۆ راگرتنی دەستدرێژییەکانی ئیسرائیل.
