گواستنەوەی لویس فیگۆ لە بارساوە بۆ ریاڵ

چیرۆکی خیانەت و سەرکەوتنە

ئیمان كاوە

لویس فیگۆی پورتوگالی، یەکێکە لە یاریزانە بەناوبانگەکانی نەوەی خۆی، لە سەردەمی خۆیدا یەکێک بووە لە باشترین یاریزانەکانی جیهان و لە چەند یانەیەکی زەبەلاحی ئەوروپا یاریی کردووە، لەوانە بارسیلۆنا و ریال مەدرید. بەڵام گواستنەوەی فیگۆ لە بارسێلۆناوە بۆ ریاڵ مەدرید ساڵی 2000، تائێستاش یەکێکە لە گواستنەوە هەرە مشتومڕاوییەکان لە مێژووی تۆپی پێدا.
فیگۆ پێنج ساڵ لە بارسیلۆنا بوو، لەوێش دوو نازناوی لالیگا و نازناوی جامی شا و جامی یەکێتیی ئەوروپای بەدەستهێنا، ساڵی 2000 خەڵاتی باڵۆندۆری وەرگرت.
هەمان ساڵ فیگۆ پەیوەندیی بە رکابەرە سەرەکییەکەی بارسیلۆناوە کرد کە ریاڵ مەدرید بوو بە بڕی 60 ملیۆن یۆرۆ کە ئەم بڕە پارەیە ریکۆردێکی جیهانی بوو.
چەند هۆکارێک هەبوون کە بوونە هۆی رۆیشتنی فیگۆ لە بەرشەلۆنە:
یەکەم 
بارسیلۆنا بە قۆناغێکی خراپدا تێدەپەڕی، یانەکە لە کێشەی داراییدا بوو، بۆ هاوسەنگکردنی قەرزەکانی فرۆشتی. 
دووەم
ئیدارەی یانەکە، نەیتوانی لەگەڵ داواکارییەکانی فیگۆ و بریکارەکەیدا بگونجێت، بۆیە دەیانویست لە گرێبەستێک رزگاریان ببێت کە ببێتە خاوەنی زۆرترین مووچە و پەیوەندیی فیگۆش لەگەڵ یانەکە خراپ بوو.
سێیەم
لە هەمان کاتدا یانەی ریاڵ مەدرید بەدوای گرێبەستێکی مارکێتینگدا دەگەڕا تا یارمەتیان بدات پێگەی خۆیان وەک هێزی باڵا دەست لە تۆپی پێی ئیسپانیادا بەدەستبهێننەوە.
فلۆرێنتینۆ پێرێز، سەرۆکی یانەکە فیگۆی بە یاریزانێکی تەواو دەزانی بۆئەوەی تیپەکە بەرەو سەرکەوتن ببات، فیگۆی قایلکرد بەوەی توانای بەدەستهێنانی نازناوی زیاتری هەیە و سەرکەوتنی زیاتر لە ریاڵ مەدرید بەدەستبهێنێت وەک لە بارسیلۆنا.
گواستنەوەی فیگۆ بۆ یانەی ریاڵ مەدرید، تووڕەیی هاندەرانی بارسیلۆنای لێکەوتەوە،  هاندەرانی بارسیلۆنا بە خیانەتکار ناویان دەبرد، ئەوەش ڕاستییەک بوو کە فیگۆ لە بارسیلۆنا رەمزێک بوو، ڕۆڵی سەرەکی هەبووە لە سەرکەوتنەکانیاندا، ئەو چوونەی بۆ ریاڵ ئازاری زۆریدان. فیگۆ هەر جارێک دەگەڕایەوە کامپ نو بۆ یاریکردن بەرامبەر بارسیلۆنا، گاڵتەیان پێدەکرد. گواستنەوەی فیگۆ بۆ یانەی ریال مەدرید سەرکەوتوو بوو، لە وەرزی یەکەمیدا یارمەتیی تیپەکەیدا بۆ بەدەستهێنانی نازناوی چامپیۆنسلیگ و لالیگا و جامی سوپەری ئیسپانیا، بۆ ماوەی پێنج وەرز یاری بۆ کردن و دوو نازناوی لالیگا و یەک نازناوی خولی یانە پاڵەوانەکانی ئەوروپا و یەک جامی ئینتەر کیشوەری بەدەستهێنا.
لە کۆتاییدا دەڵێین گواستنەوەی فیگۆ لە بارسیلۆناوە بۆ ریاڵ مەدرید گواستنەوەیەکی نائاسایی بوو، مشتومڕ و تووڕەیی زۆری بەدوای خۆیدا هێنا، بەڵام هەنگاوێک بوو کە یارمەتی فیگۆی دا سەرکەوتنی زیاتر بەدەست بهێنێت و خۆی وەک یەکێک لە گەورەترین یاریزانانی تۆپی پێی نوێ  سەلماند و چەسپاند.