پردی قەرەگۆل لە ناحیەی زەڕایەن، بەهۆی كۆنی و رزیویی و دروستبوونی درز، مەترسیی لەسەرە و بەڕێوەبەری ناحیەی زەڕایەنیش دەڵێت: پردەكە لە ساڵی 1958ەوە دروستكراوە.
ئاوارە حەمەشەریف بەڕێوەبەری ناحیەی زەڕایەن بە كوردستانی نوێ-ی راگەیاند: پردەكە 65 ساڵ پێش ئێستا لەلایەن كۆمپانیایەكی ئەڵمانییەوە دروستكراوە، وتیشی: سێ ساڵە سەروو خۆمان لە بەڕێوەبەرایەتیی گشتیی ئاوەدانكردنەوە و نیشتەجێكردنی سلێمانی ئاگاداركردووەتەوە لە بوونی مەترسی رووخانی پردەكەی قەرەگۆل، هەروەك نووسراومان ئاڕاستەی وەزارەتی دارایی كردووە و رەزامەندیش وەرگیراوە، ئەوەی ماوە چەند رێكارێكی ئیدارییە.
ئەوەشی خستەڕوو كە پێشتر چاككردنەوەیان بۆ پردەكە كردووە، بەڵام بەهۆكاری لۆدی زۆر لەسەر رێگەكە، وەك خۆی لێهاتووەتەوە و ئێستا پێویستی بە چاككردنەوەیە.
محەمەد عەبدولڕەحمان
