بە بۆنەی نەورۆز و ساڵی نوێی كوردییەوە كە هاوكاتە لەگەڵ یادی 34 ساڵەی سەركەوتنی راپەڕین و رزگاركردنی شاری كەركوكی قودسی كوردستاندا، پیرۆزباییەكی گەرم لە كۆمەڵانی خەڵكی كوردستان و نەتەوەی كورد لە سەرتاسەری جیهاندا دەكەین.
لە مێژووی گەلانی نەورۆزخوازدا، نەورۆز جەژنێكی دێرینی نوێبوونەوەی سروشتە و لەناو گەلی كوردیشدا رەمزی تێكۆشانی نەتەوەیی و بەرەنگاربوونەوەیە.
هیوادارین لەم بۆنە نەتەوەییەدا، هەمووان بە رۆحێكی كوردانەوە یەكدەنگ و یەكڕیزبین بۆ پاراستنی بەرژەوەندییە باڵاكانی نەتەوەكەمان و پێكهێنانی حكومەتێكی كارا و خزمەتگوزار لە خزمەتی ژیان و گوزەرانی خەڵكەكەمان.
نەورۆزتان پیرۆز و بەهاری رزگاریی یەكجارەكیتان بێتەدی.
مەكتەبی سیاسیی
یەكێتیی نیشتمانیی كوردستان
