بەڕێوەبەرایەتیی پۆلیسی دارستان و ژینگەی پارێزگای سلێمانی، لە وەرزی قەدەغەی راودا، لە دەریاچە و رووبارەكاندا هەڵمەتەكانی چڕتركردووەتەوە.
دوێنێ، مەفرەزەیەكی هاوبەشی بەشی پۆلیسی دارستان و ژینگەی شارەزوور و بنكەی زەڕایەن، لە دەریاچەی دەربەندیخان لە سنووری گوندەكانی قەڵبەزە، بیسەڵمێن، تووەقووت، پردی كۆن، گوڵان، پیرمەحمود و شەكر تەپە هەڵمەتێكی گەڕانیان ئەنجامداوە و لە ئەنجامدا توانیویانە دەستبگرن بەسەر دوو تۆڕی ماسیگرتندا.
