پڕۆژەی ئەندەرپاسی فولكەی ئیخوان لە گەڕەكی رەحیماوای كەركوك دەستیپێكرد، كە بە یەكێك لە گرنگترین پرۆژە ستراتیژییەكان دادەنرێت و ئاستەنگی هاتوچۆ ناهێڵێت.
لە لێدوانێكدا بۆ كوردستانی نوێ، ئەندازیار ئەحمەد عومەر بەڕێوەبەری شارەوانیی كەركوك، رایگەیاند: ئەندەرپاسی فولكەی ئیخوان لە گەڕەكی رەحیماوا بە گەورەترین و ستراتیژیترین پرۆژە دادەنرێت لە مێژووی كەركوكدا، وتیشی: لایەنی جێبەجێكار دەستیكردووە بە هەڵكەندنی شوێنەكە و بڕیارە لە ماوەی 300 رۆژدا كارەكانی بەكۆتابێت.
ئاماژەی بەوەشكرد كە كۆمپانیای جێبەجێكار رۆژ و شەو كار لە پڕۆژەكەدا دەكات و تیمەكانی شارەوانیش چاودێردەبن بەسەر كارەكانەوە و دەبێت لە ماوەی دیاریكراودا پرۆژەكە بخرێتە خزمەت هاووڵاتیانەوە.
هێمن ئەحمەد
