رۆبێرت لیڤاندۆڤسکی یاریزان و ئەستێرەی نێودەوڵەتی
پۆڵەندا لە یانەی بایرن مونشنەوە چووە یانەی بارسیلۆنا.
بۆند و چوونی ئەم یاریزانە ناودارەی جیهان لە بایرن
مونشنەوە بۆ بارسیلۆنا بەرامبەر بڕی 50 ملیۆن یۆرۆیە و بۆ ماوەی سێ ساڵە تا 2025.
رەنگە بۆندی لیڤا لە بەر گرنگی ناو و ناوبانگی لیڤا خۆی
و ناو و ناوبانگی هەردوو یانەی بارسیلۆنا و بایرن مونشنیش گرنگترین بۆندبێت لەم
وەرزەدا، بۆیە بارسا دەیەوێت بۆ ناساندن و پێشکەشکردنی ئەم یاریزانە و ئیمزاکردنی
بۆندەکەی، مەراسیمێکی شایستە و جیاوازتر رێکبخات لە سەرجەم ئەو مەراسیمانەی بۆ
یاریزانە نوێیەکانی تری خۆیان رێکیخستووە.
مەراسیمەکە وەک یانەی بارسا رایگەیاندووە رۆژی هەینی
5/8/2022 لە یاریگای سپۆتیفای کامپ نوو دەبێت و مەراسیمێکی زۆر تایبەت و جیاواز
دەبێت، واش چاوەڕوان دەکرێت هاندەرانێکی زۆر ئامادەی مەراسیمەکە ببن، هەر لەبەر
ئەوەشە لە سەعات 10:30 نیوەڕۆی ئەو رۆژەوە
سەرجەم دەرگاکانی یاریگاکە بەڕووی ئامادە بووان و هاندەرانی یانەکەدا دەکرێنەوە،
سەعات 12 ی نیوەڕۆ ئاهەنگی ناساندنی لیڤا بەهاندەران دەستپێدەکات.