رۆژی 4ى ئایارى هەموو ساڵێک وەک رۆژى جیهانیی کارمەندانی ئاگرکوژێنەوە دیاریکراوە و لە زۆرێک لە وڵاتان چالاکیى جۆراوجۆر بەوبۆنەیەوە سازدەکرێت.
لە رۆژی جیهانیی کارمەندانی ئاگرکوژێنەوە، 20 ئۆتۆمبێلى پێشکەوتووی ئاگرکوژێنەوە پێشکەش بە بەڕێوبەرایەتییەکانى بەرگریى شارستانیى هەرێمی کوردستان کران.
بەڕێوەبەرى گشتیی دیوانى وەزارەتى ناوخۆ لە کۆنفرانسێکى رۆژنامەوانیدا رایگەیاند، ئۆتۆمبێلەکان بەبڕى دوو ملیۆن و 500 هەزار یۆرۆ کڕدراون و قەبارەیان گەورەترە لەو ئۆتۆمبێلانەى ئێستا لە ئەرکدان.
