سەربەست مەولود، سەرۆکی لیژنەی وردبینی دابەشکردنی زەوی بۆ فەرمانبەران، رایگەیاند ئەم هەفتەیە ناوی 10,800 پێشمەرگەی شایستە دوای وردبینی بۆ لیژنەکەیان گەراوەتەوە. هاوکات، ناوی 23,000 فەرمانبەر و خانەنشینی نوێی دیکەش بۆ هەمان مەبەست ئاراستەی ئەنجوومەنی وەزیران کراوە بەمەبەستی پەسەندکردنی کۆتایی.
راشیگەیاندووە کە چاوەڕوان دەکرێت سەرەتای هەفتەی داهاتوو، ناوی ئەو 23,000 فەرمانبەر و خانەنشینەش بگەڕێتەوە، بۆئەوەی رێکارەکانی پێدانی زەوی نیشتەجێبوون بۆ ئەوانیش دەستپێبکات.
