تەرمی هونەرمەند محەمەد عەباس بەهرام رۆژی پێنجشەممە، 2025/5/22، لە ئوردنەوە دەگەڕێندرێتەوە.
نەریمان، هاوسەری هونەرمەندی کۆچکردوو، رایگەیاند کە تەرمەکە سەرەتا بەرەو کەرکوک دەگەڕێندرێتەوە، هاوکات هیوای خواستووە لە سلێمانی بەخاک بسپێردرێت.
ناوبراو سوپاسی هەموو خەڵکی کوردستانی کرد بۆ پەیامەکانیان و هاوخەمییان، هەروەها سوپاسی نووسینگەی قوباد تاڵەبانی کرد بۆ هاوکارییان لە گەڕاندنەوەی تەرمی هونەرمەند بۆ کوردستان.
