یەکێتیی نیشتمانیی کوردستان رایدەگەیەنێت کە هیچ پەیوەندییەکی بە کۆنفراسێکی تایبەت بە ئێزدایەتییەوە نییە کە گوایە لە ماوەی داهاتوودا لە ئەلمانیا بەڕێوەدەچێت.
یەکێتی هەڵوێستی نەگۆڕی خۆی لەسەر پرسی رێزگرتن لە بیروباوەڕ و دابونەریتە تایبەتییەکانی سەرجەم ئاین و ئاینزاکانی کوردستان، لەوانەش بیرو باوەڕی کوردانی ئێزدی، دووپاتدەکاتەوە و پشتیوانی خۆی لە هەر چالاکییەکی کۆمەڵگەی ئێزدی لە ناوەوە و دەرەوەی وڵات مەرجدار ناکات بە دەستوەرادان لە ئیشوکارەکانیان، بەڵکو لە روانگەی دیموکراسییەوە وەک پرسێکی تایبەت بە خۆیان لێی دەڕوانێت.
تەنها بۆ دڵنیایی زیاتری کۆمەڵگەی ئێزدی ئەم رونکردنەوەیەمان بە پێویست زانی.
سەرچاوەیەک لە مەکتەبی سیاسیی یەکێتیی نیشتمانیی کوردستان
٢٤-٥-٢٠٢٥
