دوای هێرشە ئاسمانییەكەی ئەمریكا بۆ سەر ئێران، جەی دی ڤانس، جێگری سەرۆكی ئەمریكا رایگەیاند، ویلایەتە یەكگرتووەكان بە هیچ شێوەیەك لە جەنگدا نییە لەگەڵ حکومەتی تاران و هەموو هەنگاوەكان بۆ رێگرییە لە پەرەسەندنی زیاتری گرژییەكان.
ڤانس لە لێدوانێكدا بۆ میدیاكان جەختیكردەوە كە هێرشەكە "وەڵامێكی دیاریكراو و بەرتەسك" بووە و ئامانج لێی تەنها رێگریكردن بووە لە هێرشی هاوشێوە لە داهاتوودا.
ناوبراو رونیشیكردەوە كە ئیدارەی ئەمریكا بە رەسمی پابەندە بە پاراستنی سەقامگیری لە رۆژهەڵاتی ناوەڕاست و ناخوازێت شەڕێكی نوێ لە ناوچەكەدا هەڵبگیرسێت.
