لە کەرکوک هەزار منداڵ لە دایكبووە

بەپێی ئامارێكی فەرمانگەی تەندروستیی كەركوك كە دەست كوردستانی نوێ كەوتووە، لە ماوەی ئەم مانگەدا هەزار منداڵ لە دایكبوون.
سامان یابەعەلی وتەبێژی فەرمانگەی تەندروستیی كەركوك، بە كوردستانی نوێ-ی راگەیاند: لە نەخۆشخانەی ژنان و منداڵبوونی كەركوك، لە ماوەی ئەم مانگەدا هەزار منداڵ لەدایكبوون و زیاتر لە 150 نەشتەرگەریی جۆراوجۆر بۆ منداڵان كراوە، وتیشی: لەبەرنامەماندایە نەخۆشخانەكە لە 217 قەرەوێڵەوە فراوانتر بكەین، چونكە رۆژانە لۆدێكی زۆری لەسەرە و بەنیازین لە ئایندەیەكی نزیكدا پرۆژەكە بخەینە بواری جێبەجێكرنەوە، داواشمان لە وەزارەتی تەندروستی كردووە هاوكارمان بێت، راشیگەیاند: نەخۆشخانەی ژنان و منداڵبوون تازە دروستكراوە و قەرەباڵغی لەسەر نەخۆشخانەكانی ئازادیی فێركاری و كەركوكی گشتی، كەمكردۆتەوە.
كەركوك، هێمن ئەحمەد