نوێنەری سەرۆكی ئەمریكا لە رۆژهەڵاتی ناوەڕاست رایگەیاند، كاتی رێككەوتنی ئاشتی لەگەڵ ئێران نزیكبووەتەوە.
ستیڤ ویتكۆف رایگەیاند، هیواخوازە بگەنە رێككەوتنی ئاشتی تەواوەتی لەگەڵ ئێران چونكە تاران ئامادەیە رێككەوتن بكات و چەندین ساڵی دیكەی پێویستە بۆ ئەوەی بگەرێتەوە بۆ بەرنامە ئەتۆمیەكەی.
لەلایەکی دیکەوە، دۆناڵد ترەمپ سەرۆكی ئەمریكا رایگەیاند، هەفتەی داهاتوو دانوستانەكان لەگەڵ ئێران دەستپێدەكاتەوە و كەمكردنەوەی سزاكانی سەر ئێرانیشی بەدوور نەزانی.
ترەمپ راشیگەیاند، ئەو حەز بە رێككەوتنێكی ئاشتی درێژخایەن دەکات و تارانیش لە ئێستادا زیاتر جەختدەكاتەوە لەسەر بنیاتنانەوەی وڵاتەكەی، نەوەك پەرەپێدان بە چەكی ئەتۆمی.
