بەهۆی کەوتنەوەی ئاگرێکی گەورەوە، سوریا دەروازەی سنووریی کەسابی لەگەڵ تورکیا بەشێوەیەکی کاتی داخست.
مازن عەلوش، بەڕێوەبەری پەیوەندییە گشتییەکان لە دەستەی گشتیی بەندەرەکانی وشکانی و دەریایی سوریا رایگەیاند، بەهۆی ئەو ئاگرەی لە شاخەکانی سوریا و نزیک لە دەروازەکە کەوتووەتەوە، بڕیاری داخستنی کاتی دراوە.
ئاگرەکە لە رۆژی 3ی تەمموزەوە لە ناوچەی لازقییە کەوتووەتەوە و تا ئێستا تیمەکانی ئاگرکوژێنەوە لە هەوڵی کۆنترۆڵکردنیدان.
