دوێنێ، د.لەتیف رەشید سەرۆك كۆمار، لە بەغدا، پێشوازیكرد لە پێدرۆ مارتینێز باڵیۆزی شانشینی ئیسپانیا.
سەرۆك كۆمار جەختیكردەوە لە پەیوەندیی بەهێز و مێژوویی نێوان هەردوو وڵاتی دۆست و پێویستی پەرەپێدانی هاریكارییەكانی هەردوولا بەرەو ئاسۆیەكی فراوانتر لە هەموو بوارەكاندا، ئاماژەشیكرد بە گرنگیی هەماهەنگیكردنی هەوڵ و هەڵوێستەكان لەسەر ئەو مەسەلانەی كە جێگەی نیگەرانیی هاوبەشن، بەتایبەتی روبەڕوبوونەوەی تیرۆر و پاراستنی ئاسایش و سەقامگیریی نێودەوڵەتی.
لە بەرامبەردا باڵیۆزی ئیسپانیا سوپاس و پێزانینی خۆی بۆ سەرۆك كۆمار دەربڕی بۆ گرنگیدان بە بەردەوامی پەرەپێدانی پەیوەندییەكانی نێوان هەردوو وڵات و جەختیكردەوە لە پەرۆشی وڵاتەكەی بۆ بەهێزكردنی پەیوەندیی هاریكاریی هاوبەش لە ئاستە جیاوازەكاندا.
