خانمی یەكەمی عیراق داوا لە ژنانی پەرلەمانتاری كورد دەكات لە بەرامبەر پرسە نەتەوەییەكاندا یەكهەڵوێست بن.
شاناز ئیبراهیم ئەحمەد لە كۆشكی سەلام لە بەغدا، بە ئامادەبوونی رابیحە حەمەد ئەندامی سەركردایەتی یەكێتی، لەگەڵ ژنانی پەرلەمانتاری فراكسیۆنە كوردییەكانی ئەنجومەنی نوێنەرانی عیراقدا كۆبۆوە و رایگەیاند، رۆڵ و كاریگەریی ژنان گرنگە لە سەرجەم كایە و جومگە سەرەكییەكانی دەسەڵات و بڕیارداندا، ژمارەیەكی زۆری پەرلەمانتاری ژنیش لە فراكسیۆنە كوردییەكان جێگەی خۆشحاڵییە.
داواشیكرد، لە بەرامبەر پرسە نەتەوەییەكان و داواكارییەكانی كورد و ژنانی كورد هەموویان یەكهەڵوێست بن.
داواشیكرد، ژنانی پەرلەمانتار لە ئەنجومەنی نوێنەرانی عیراق چالاك بن و هاوتای پیاوان بن، هەموو پشتیوانییەكیشی بۆ دووپاتكردنەوە.
