ئۆغرت خێر بێت فەرماندە ئازاکەی کوردستان.
کوردستان بەگشتی و هێزی کۆماندۆ بەتایبەت فەرماندەیەکی ئازا و دڵسۆزی لەدەستدا، فەرماندە ئاکام بە تەمەنێکی کەمەوە ببووە جێگەی هیوا و ئومێدی هەموومان، ئەو نموونەیەکی باڵای جوامێری بوو، هەمیشە لە بەرەکانی شەڕدا خۆی دەخستە مەترسییەوە تا هاوسەنگەرەکانی بپارێزێت.
روحت شاد فەرماندە. دڵنیابە هەڤاڵ و هاوسەنگەرەکانت بە هەمان روح و ورە و باوەڕی تۆوە لە خەمی پاراستنی ئارامی و ئاسایشی کوردستاندا دەبن و درێژەپێدەری ئەو رێبازە دەبن کە تۆ لەپێناویدا گیانی ئازیزی خۆت پێشکەش کرد.
تۆ بۆ هەمیشە لە دڵی هەمووماندا بە زیندوویی دەمێنیتەوە و دڵنیابە بەهۆی هەڤاڵ و هاوسەنگەرەکانتەوە هەوڵ و ماندووبوونەکانت بێ ئاکام نابێت.
قوباد تاڵەبانی
