پرسەنامەی عیماد ئەحمەد بۆ شەهیدبوونی فەرماندە ئاكام

لە هەر شوێن و جێگایەک یەک تۆز مەترسی لەسەر خاکی پیرۆزی کوردستان بوبێت کاکە ئاکام و هێزەکەی وەک پیشەی هەمیشەییان ساز و ئامادە دەبوون بۆ بەرگریکردن لە خاک و خەڵکی کوردستان.
بەداخ و پەژارەیەکی ئێجگار زۆرەوە هەواڵی شەهیدبوونی کاکە (ئاکام عومەر) فەرماندەی هێزەکانی کۆماندۆی کوردستانمان پێگەیشت
کاکە ئاکام فەرماندەیەکی نەبەرد و ئازا و چاونەترسی هێزی پێشمەرگەی کوردستان بوو کە لە شەڕی تیرۆریستانی داعشدا رۆڵ و پێگە و کاریگەرییەکی بێ وێنەی هەبوو کە لە هەموو ئەو میحوەرانەی شەڕی تێدابوو پێش هەموو کەس خۆی و هێزەکەی لەوێ ئامادە دەبون و گورزێکی جەرگ بڕیان لە تیرۆریستان دەوەشاند.
لە دوای کەمبوونەوە و کۆتایی هاتنی شەڕی تیرۆریستانی داعشیش لە هەر شوێن و جێگایەک یەک تۆز مەترسی لەسەر خاکی پیرۆزی کوردستان بوبێت کاکە ئاکام و هێزەکەی وەک پیشەی هەمیشەییان ساز و ئامادە دەبوون بۆ بەرگریکردن لە خاک و خەڵکی کوردستان.
هەر بۆیە لەدەستدانی فەرماندەیەکی گەنج و بوێری وەک کاکە ئاکام نەک تەنها ئێمە و مانان بەڵکو هەموو خەڵکی کوردستانی تەواو خەفەت بار و دڵتەنگ کرد.
لەم کۆستە گەورەیەدا خۆم بەهاوبەشی خەم و پەژارەی هاوڕێ و هاوسەنگەران و خزم و کەسوکاری شەهید ئاکام دەزانم، لە پەروەردگاری مەزن دەپاڕێینەوە رۆحی پاک و بەرزەفڕی شەهید ئاکام بە بەهەشتی نەبڕاوە شاد بکات و سەبووری و دڵنەوایی هەموو لایەکمان بدات.
عیماد ئەحمەد