تیشكۆ
هەفتەی پێشوو یارییەكانی چامپیۆنس لیگ و یۆرۆپالیگ دەستیانپێكردەوەو ئەم هەفتەیەش چوار یاریی چامپیۆنس لیگ و یارییەكانی گەڕانەوەی یۆرۆپالیگ دەكرێن.
چامپیۆنس لیگ
ئەم خولە پێی ناوەتە قۆناغی 16 یانەوە، یارییەكانی چوون بە دوو جەولەو لە دوو هەفتەدا بەڕێوە دەچن، هەفتەی رابردوو چوار یاریی چوون كران گرنگترینیان دۆڕاندنی پاریس سانجێرمان بوو 0-1 بە بایرن مونشن، ئەنجامی ئەو یارییانەی هەفتەی پێشوو كران بەمشێوەیە بوون:
سێشەممە 14/2/2023
*پاریس سانجێرمان × بایرن مونشن(0-1).
*میلان × تۆتنهام هۆتسبێرز (1-0).
چوار شەممە 15/2/2023
*بروسیا دۆرتمۆند × چێڵسی (1-0).
*كلوپ بروج × بەنفیكا (2-0).
ئەم هەفتەیەش چوار یارییەكەی تری ئەم قۆناغە بەمشێوەیە دەكرێن:
سێشەممە 21/2/2023
*لیڤەرپوڵ × ریاڵ مەدرید- یاریگای ئەنفیڵد.
*ئی.فرانكفۆرت×ناپۆلی- یاریگای دۆچ بانك.
چوار شەممە 22/2/2023
*ئینتەرمیلان × پۆرتۆ- یاریگای سانسیرۆ(جۆزیپی میاتزا).
*لایبزیگ × مان سیتی- یاریگای رێد بۆڵ ئەرینا.
تێبینی: سەرجەم یارییەكان سەعات 11 ی شەو دەستپێدەكەن.
یۆرۆپا لیگ
سەبارەت بەخولی ئەوروپاش (یۆرۆپا لیگ)، ئەم خولەش پێی ناوەتە قۆناغی یارییەكانی پلەی ئۆفەوە، ئەم قۆناغە سێیەمی سەرجەم گروپەكانی قۆناغی گروپەكانی چامپیۆنس لیگ و دووەمی قۆناغی گروپەكانی یۆرۆپا لیگ بەشداریی تیادا دەكەن.
لە یارییەكانی قۆناغی پلەی ئۆفەوە 8 براوەكە لە ئەنجامی هەردوو یاریی چوون و گەڕانەوە دەگەنە قۆناغی 16 یانەی یۆرۆپا لیگ، 8 یانەكەی تریش برتین لە 8 یەكەمەكەی قۆناغی گروپەكانی ئەم خولە (ئەرسناڵ، فەنار باخچە، ریاڵ بیتیس، سانت جیلواس، ریاڵ سۆسیداد، فینۆرد رۆتردام، فرایبۆرگ، فرینك فارۆزی) كە ئەم یانانە یەك لە دوای یەك یەكەمی هەر هەشت گروپەكەی یۆرۆ لیگ بوون.
رۆژی پێنجشەممەی هەفتەی رابردوو 16/2/2023 سەرجەم یارییەكانی چوونی ئەم قۆناغە كران، گرنگترین یارییش بریتی بوو لە یەكسان بوونی بارسیلۆنا و مان یونایتد (2-2) ، یەكسانبوونی یۆڤانتۆس و نانت 1-1، تەواوی ئەنجامی یارییەكانیش بەمشێوەیە بوون:
*بارسیلۆنا×مان یونایتد (2-2).
*ئەیاكس×یۆنیۆن بەرلین (0-0).
*شاختار ×رەین (2-1).
*ر.ساڵزبۆرگ×رۆما (1-0).
*یۆڤانتۆس×نانت (1-1).
*سیڤییا×ئایندۆڤن (3-0).
*بایەر لیڤەر كوزن×مۆناكۆ(2-3).
*سپۆ.لیشبۆنە×میتیلاند (1-1).
ئەمانە یارییەكانی چوون بوون، یارییەكانی گەڕانەوەش رۆژی پێنجشەممەی ئایندە 23/2 لە یاریگای یانەكانی لای چەپ دەكرێن.
