منداڵان سامانێكی نیشتمانی گەورەن بۆ بنیادنانی نەوەیەكی ژینگە دۆست لە داهاتوودا، چونگە ژینگە پرسێكە و گرنگیپێدانی بەردەوام و پلانی درێژخایەنی پێویستە بۆ پاراستنی.
منداڵان لە رێگەی پەروەردەی ژینگەییەوە دەتوانن رۆڵێكی چالاك بگێڕن لە پاراستن و باشتركردنی ئەو ژینگەیەی تێیدا دەژین (ماڵ، قوتابخانە، گەڕەك، باخچە، كێڵگە، دارستان...هتد) و هەست بە بەرپرسیارێتی خۆیان دەكەن بەرامبەر بە ژینگە بە بەشداریكردنیان لە چالاكییە جۆراوجۆرەكانی ناوەوە و دەرەوەی قوتابخانە و پاڵنەریشە بۆ کردنی هەموو كارێكی خۆبەخشانە.
لە ئەنجامی زۆر باسكردن و بەكردار روونكردنەوە و درككردنی منداڵ بە واقیعی كێشە ژینگەییەكان دەبێت و هۆشیاری دەكاتەوە لە پێویستی بەشداریكردن لە پاك راگرتنی ژینگە و هاندەری منداڵ دەبێت بۆ ئەوەی رۆڵی خۆی بگێڕێت لە پاراستنی ژینگەكەی ئەم رۆڵە لە بەشداری چالاكانە لە جێبەجێكردنی ئەركی تاكەكەسی و گروپەكان (بەپێی تەمەن و تواناكانی) لە رەفتاریاندا دەردەكەوێت.
ئەو چالاكییانەی منداڵ دەتوانێت لە رێگەیانەوە رۆڵبگێڕێت لە پاراستنی ژینگەدا، وەکو:
* گرنگیدان بە منداڵ بە پاك و خاوێنی جەستە و جلوبەرگ و پێداویستییەكانی و پاراستنیان.
* بەشداریكردن لە پێشبڕكێكانی چالاكی ژینگەیی نێوان پۆلەكان، قوتابخانەكان.
* گرنگیدان بە پاكوخاوێنی ماڵ و قوتابخانە و شوێنە گشتیەكان.
* دانانی زبڵ و پیسی لە شوێنە دیاریكراوەكان .
* پاراستنی سەرچاوەی ئاوی خاوێن وەك كانی و رووبار و دەریاچە و فڕێ نەدانی پاشماوە تێیاندا.
* بەشداریكردن لە لیژنەکانی پاكوخاوێنی لەسەر ئاستی پۆل و قوتابخانە.
* ئەگەر قوتابخانە تواناو كاتی گونجاوی هەبێ بەشداریكردن لە هەڵمەتەكان و فێستیڤاڵ و كاری هونەری و هەموو چالاكیەكی ژینگەیی دەرەوەی قوتابخانە.
* كاری كرداری چاندن و خزمەتكردن منداڵان لە باخی ماڵ و قوتابخانەدا بۆ نموونە دار و رووەك و گوڵ بچێنن و ئاو بدەن و ئاگاداریان بن.
* لەگەشت و سەیرانەكاندا بەكردار فێری ژینگە پارێزیان بكەین و هەڵمەتی پاككردنەوە بکەن.
* بەشداریكردن لە جەژنی درەخت و بۆنە ژینگەییەكان بە بەشداری دایكان و باوكان.
* سەرپەرشتیاری ژینگەیی