بەڕێزان کەسوکار و هاوسەنگەر و هاوڕێیانی تێکۆشەری دێرین و نووسەر و وەرگێڕ کاک هادی غوڵام
بەداخ و پەژارەیەکی زۆرەوە، هەواڵی ژیانئاوایی کاک ( هادی غوڵام )ی براو هاوڕێم پێگەیشت.
کاک هادی کادرێکی دیاری یەکێتیی نیشتمانیی کوردستان بوو، خۆشەوسیت و تێکۆشەری ناوچەی گەرمەسێر بوو.. هەر بۆیە بە لەدەستدانی زۆر دڵ تەنگ و نیگەران بووین.
داخەکەم.... هادیشمان بەدڵ شکاوی دایە شەقەیباڵ و فڕینی ئەفسووناوی و سەفەری ئەبەدیی خۆی کرد.
خانەقینەکەم .. دەزانم چەند غەمباری، بەداخەوە زەمەنیش رۆژانە غەمبارترت دەکات.
رۆژانە هەر گوڵە و لە باخەکانت دەوەرێ، هەر دارەخورمایە و رەگی دەسووتێ.
هادی غوڵامیی تێکۆشەر و رۆشنبیر و دبلۆماتکار و وەرزشکاری شارەکەم سەری نایەوە و بوو بە میوانی هەتاهەتایی سەلام عەبدولرەزاق و ئیبراهیم عەرەب و محەمەد سایەخان و ئیبراهیم باجەلان و مامۆستا موحسین، کادرانی دیار و بەناوبانگی یەکێتیی لاوانی خانەقینی سەرەتای حەفتاکانی سەدەی رابردوو.
بۆ ئەم خەمە گەورەیە پرسە و سەرەخۆشی لە خۆمان و تەواوی کەسوکار و بنەماڵە سەربەرزەکەیان دەکەین و هاوبەشی ماتەمیانین.
لە خوای گەورە داواکارین گیانی پاکی کۆچکردوو بەبەهەشتی بەرین شاد بکات و سەبووری هەموو لایەکمان بدات.
عیماد ئەحمەد
٢٧/٦/٢٠٢٥
