بۆ یەكەمجار پاڵەوانێتی پاركۆرو فریڕەن لە سلێمانی بەڕێوەچوو

ئاراس محمەد



ڕۆژی 21/7/2023 لەهۆڵی هەڵگورد عارف لەسلێمانی، یەكەمین پاڵەوانێتی پاركۆرو فریڕەن بە بەشداری زیاتر لە 40 یاریزان بەڕێوەچوو.
محەمەد سەردار سەرۆكی لقی سلێمانی یەكێتیی پاركورو فریڕەن –عیراق بە ستادیۆمی ڕاگەیاند: ئەمە یەكەمجارە پاڵەوانێتی پاركۆرو فریڕەن لەكوردستان و بەتایبەتیش لە شاری سلێمانی بەڕێوەدەچێت، لەم پاڵەوانێتییەدا  42 یاریزانی عیراق بەشداربوون كە  نوێنەرانی 6 یانە بوون.
وتیشی: پاڵەوانێتیەكە لەلایەن لیژنەی پاركۆری عیراق- لقی سلێمانی و بەئامادەبوونی سەرۆكی یەكێتیی خۆرئاوای ئاسیای ئەم یارییەو  بەسەرپەرشتی یەكێتیی ناوەندی پاركۆرو فریڕەن –عیراق و بەهاوكاری بۆردی وەرزشیی یەكێتیی نیشتمانیی كوردستان و نوێنەرایەتیی سلێمانی لیژنەی ئۆڵۆمپی كوردستان ڕێكخرا، ئەوەشی وت كە  یاریزانە بەشداربووەكان لەگەنجان و لاوانی یانەكانی سلێمانی و هەولێر و كەركوك و بەغدا بوون و ئەنجامەكانیش بەمشێوەیەبوون ؛

لەسەرئاستی یانە
*یانەی پێشمەرگەی سلێمانی- پلەی یەكەم.
*یانەی بابان -پلەی دووەم.
*یانەی بەختیاری -پلەی سێیەم.
 (تاك) یاریزان
*ئیبراهیم ئەحمەد مەجید -پلەی یەكەم.
*مەحمود وریا -پلەی دووەم.
ڕیباز مینە -پلەی سێیەم.
لەكۆتاییشدا بڕوانامەی بەشداربوون و پشتگیری و میدال و خەڵاتی تایبەت پێشكەشی بەشداربووە یەكەمەكان و سەرجەم یاریزانەكان بەگشتی كرا.
شایانی باسە لقی سلێمانی لیژنەی پاركۆری عیراق، لیژنەیەكە تازە دامەزراوە، سەرۆكی لیژنەكە محەمەد سەردار و محمەد عوسمان سكرتێر  و ئاریان جەمال لێپرسراوی دارایی لقەكەیە، هەورەها توانیویەتی لەو ماوە كەمەی تەمەنیدا یەكەم پاڵەوانێتی بەسەركەوتوویی بەڕێوەبەرێت.