دیپلۆماتکارێکی ئەمریکی ئاماژەی بەوەداوە کە محەمەد بازومی سەرۆکی نەیجەر لە وڵاتەکەیدا بارمتەیە و رێگەیان پێنەدراوە بیبینن.
ڤیکتۆریا نولاند، نوێنەری وەزارەتی دەرەوەی ئەمریکا لە نەیجەر رایگەیاندووە کە لەگەڵ کودەتاچییەکان لە نەیجەر کۆبوونەتەوە هەوڵیانداوە چاویان بە محەمەد بازوم بکەوێت، بەڵام رێگەیان پێنەدراوە.
دیپلۆماتکارەکەی ئەمریکا ئاشکراشی کردووە کە بازم لەگەڵ ژن و منداڵەکەیدا بارمتەیە.
کۆبوونەوەکەی دیپلۆماتکارە ئەمریکییەکان لەگەڵ ژەنەراڵ موسی سالو بووە کە لە ئەمریکا زانستی سەربازی خوێندووە یەکێکە لە سەرکردەکانی کودەتا کەو ژەنەراڵ عەبدولڕەحمان تیانی سەرکردەی پاسەوانی سەرۆکایەتی و سەرۆکی کودەتاکەی نەیجەر ئامادە نەبووە لەگەڵ ئەمریکییەکاندا کۆببێتەوە.
سەرچاوە: cnn
