پاش ئەوەی محه‌مه‌د شیاع سودانی، سەرۆک وەزیرانی عیراق بەمەبەستی بەشداریکردن لە كۆبوونه‌وه‌كانی خولی 78هه‌مینی نه‌ته‌وه یه‌كگرتووه‌كان چووە ئەمریکا، بریارە سەردانی روسیاش بکات.
سودانی لە سەردانەکەیدا بۆ ئەمریکا، وتارێکی لە بارەگای نەتەوە یەکگرتووەکان پێشکەشکرد و داوایکرد وڵاتانی دراوسێ، دەستوەردان لە کاروباری ناوخۆی عیراقدا نەکەن.
هەر لەپاش ئەو سەردانەش، ئەمڕۆ وەزارەتی دەرەوەی عیراق لە بەیاننامەیەکدا رایگەیاند کە بڕیارە لە ئایندەیەکی نزیکدا محه‌مه‌د شیاع سودانی، سەردانی روسیا بکات.
سەرچاوە: الشرق الأوسط
