مەزیاد بن سلێمان، فەرماندەی هێزی بەرگریی ئاسمانی سعودیە گەیشتە بەغدای پایتەخت و سەردانی بارەگای فەرماندەیی بەرگری ئاسمانی عیراقیان کرد.
بەپێی راگەیەندراوێکی وەزارەتی بەرگری عیراق هاوکاری هاوبەش و ئاڵوگۆڕی ئەزموونی بەرگری و زانیاری لە نێوان هەردوولادا تاوتوێ کراوە.
هەر بەپێی راگەیەنراوەکە چۆنیەتی پاراستنی سەروەری ئاسمانی و وشکانی وڵات گفتوگۆی لەبارەوە کراوە.
ئەوەش دوای ئەوە دێت، لەچەند رۆژی رابردوودا فەیسەڵ بن فەرحان، وەزیری دەرەوەی سعودیە سەردانی عیراقی کرد.
سەرچاوە: سومریة نیوز
