قوباد تاڵەبانی دەستپێشخەریی شاری زیرەک لە سلێمانی دەخاتە بواری جێبەجێکردنەوە

لە دەستپێشخەرییەکدا، قوباد تاڵەبانی، جێگری سەرۆکی ئەنجومەنی وەزیران، یەکەمین چالاکی پلاتفۆرمی (SMARTSULI) سمارت سولی لە شاری سلێمانی رادەگەیەنێت.

پلاتفۆڕمی سمارت سولی دەستپێشخەرییەکی نوێی جێگری سەرۆکی ئەنجومەنی وەزیرانە بۆ چارەسەرکردنی کێشەکانی شار لەپێناوی باشتر خزمەتکردنی هاووڵاتیان لەڕێگای بەیەکەوە کارکردن و چارەسەرە زیرەکەکان و داتا و تەکنەلۆجیای زیرەک و بەستنەوەی لایەنە پەیوەندیدارەکان بەیەکەوە کە سلێمانی دەکاتە شارێکی پێشەنگ لە داهێنان لەسەر ئاستی کوردستان و عیراق.

بڕیارە سبەی یەکشەممە 2024/1/7 هاکاسۆنی پلاتفۆرمی سمارت سولی (Smart suli city solutions Hakathon) لە سلێمانی بەڕێوەبچێت، کە تێیدا چەندین تێبینی و پێشنیاز بۆ پەرەپێدانی کەرتی تایبەت و داتا و زانیارییەکان و دەوڵەمەندترکردنی پلاتفۆرمی سمارت سولی دەخرێنەڕوو.

لینکی خوارەوە وێب سایتی سمارت سولییە:

https://smartsuli.krd