بەفربارین و بای بەهێز بەردەوام دەبێت

بەڕێوەبەرى کەشناسیى سلێمانى رایگەیاند، ئەمڕۆ بەفربارین و بای بەهێز لە سلێمانى ناوبەناو بەردەوام دەبێت و بەڵام بە تێپەربوونى کات کاریگەریی کەم دەبێتەوە.
ئاسۆ کەمال، بەڕێوەبەرى کەشناسیى سلێمانى رایگەیاند، لە بەرەبەیانی ئەمڕۆوە شەپۆلێکى بەفربارین سەنتەرى پارێزگاى سلێمانى گرتووەتەوە و 5 سانتیمەتر بەفر لە سەنتەرى شارەکەدا باریوە.
وتیشى، بەفربارین و باى بەهێز تاوەکو ئێوارە بەردەوام دەبێت و بەپێى کاتەکان کاریگەریى کەمدەبێتەوە، بەڵام کاریگەرىی بارستەهەوا ساردەکە بەردەوام دەبێت و لە رێگەکانى دەرەوەى شار مەترسی دروستبوونى شەختە هەیە.
کەشناسیى هەرێمى کوردستان پێشبینى کردووە رۆژى پێنجشەممە ئەو بارستە هەواساردەى رووى لە هەرێم کردووە کاریگەرییەکەى لاواز ببێت.