قوباد تاڵەبانی جێگری سەرۆک وەزیران لە کۆبوونەوەیەکدا لەگەڵ مارتین جایگەر باڵیۆزی ئەڵمانیا لە عیراق رایگەیاند، لە دانوستانەکانی ئەمجارە بۆ پێکهێنانی حکومەتی داهاتووی عیراق وەرگرتنی پۆست و ئیمتیاز ئەولەوییەت نییە بەڵکو ئەولەوییەت مەرجە سیاسی و ئابووری و ژینگەییەکانە.
لە کۆبوونەوەکەدا کە رۆژی سێشەممە 21ی حوزەیرانی 2022 بەڕێوەچوو، تاوتوێی دۆخی سیاسی عیراق و پێکهێنانی حکومەتی داهاتوو کرا و جێگری سەرۆک وەزیران جەختیکردەوە کە پێویستە لایەنە کوردییەکان بەیەکدەنگی و بەپڕۆژەی هاوبەشەوە بچنە دانوستانەکانەوە.
لە بەشێکی دیکەی کۆبوونەوەکەدا باسی حکومڕانی و پڕۆسەی ریفۆرم و گرنگیدان بە بەرهەمهێنانی وزەی پاک کرا و قوباد تاڵەبانی داوایکرد ئەڵمانیا هاوکاری هەرێمی کوردستان بکات.
باڵیۆزی ئەڵمانیا خۆشحاڵی دەربڕی کە پرسی ژینگە و سۆلارسیستم لەم دواییانەدا لە کوردستان گرنگی پێدەدرێت و ئامادەیی وڵاتەکەشی دەربڕی لەمبارەیەوە هاوکاریی هەرێم بکات.
# قوباد تاڵەبانی
.jpg){kind=tracking}
