بەبیابانبوون لە عیراق

وەزارەتی كشتوكاڵی عیراق رایگەیاندووە: نزیكەی 15 %ی رووبەری عیراق، بووە بە بیابان، هەروەها ئەگەری بەبیابانبوونی %55ی ناوچەكانی دیكەی عیراق هەیە.
بەڕێوەبەری گشتیی فەرمانگەی دارستانەكان و بەرەنگاربوونەوەی وشكەساڵی لە وەزارەتی كشتوكاڵی عیراق لە لێدوانێكدا كە ئاژانسەكانی هەواڵ بڵاویانكردۆتەوە، رایگەیاندووە: كەمیی بارانبارین لە ساڵی 2021دا كاریگەریی لەسەر كشتوكاڵ هەبووە، ئاماژەی بەوەشكردووە «رێگریكردن لە بەبیابانبوونی عیراق پێویستی بە كۆششی زیاتر هەیە و گرفتەكە تەنها بە وەزارەتی كشتوكاڵ چارەسەر ناكرێت».