دۆناڵد ترەمپ، کاندیدی کۆمارییەکان لە هەڵبژاردنى سەرۆکایەتیى ئەمریکادا دەنگى پێویستى بۆ بوون بە سەرۆک بەدەستهێنا و بووە 47ەمین سەرۆکى هەڵبژێردراوى ئەمریکا.
بەگوێرەی دوايین ئەنجامەکان، ترەمپ 277 دەنگی دەستەی بەربژێرانی بەدەستهێنا، لە بەرامبەردا کامالا هاريس، کاندیدی دیموکراتەکان 224 دەنگی ئەندامانی دەستەی بەربژێرانی بەدەستهێناوە.
ترەمپ پێويستی بە بەدەستهێنانی 270 دەنگ بوو بۆ وەرگرتنەوەی پۆستی سەرۆکايەتیی ئەمريکا بۆ خولێکی ديکە، ئەوەش لەدوای ئەوەی 45ـەمين سەرۆکی ئەمريکا بوو.
لە کاتێکدا لە هەڵبژاردنی ئەنجومەنی پيراندا کۆمارييەکان 51 کورسی و ديموکراتەکان 42 کورسييان بەدەستهێناوە، جارێکی دیکە کۆنترۆڵی ئەنجومەنەکە چووەوە دەست کۆمارییەکان.
لە هەڵبژاردنی ئەنجومەنی نوێنەرانيشدا کۆمارييەکان 197 کورسی و ديموکراتەکان 179 کورسييان بەدەستهێناوە.
لە هەڵبژاردنی حاکمی ويلايەتەکانيشدا کۆمارييەکان 27 دەنگ و ديموکراتەکان 23 دەنگيان بەدەستهێناوە.
