(دوبارە ژیان)، ناڤێ كورتە فیلمێ وی بوو ل دهوكێ و سێمێلێ هاتیە وێنەكرنێ. دەما مە ژێ پرسیاركری، ئایا دێ ل فیلمە ڤێستیڤالا دهوكێ بەشدار بیت؟ گوت: «مخابن چەند كێشەیەك ھاتنە پێش و ل دەمێ دەستنیشانكریێ یێ وەرگرتنا فیلمان، ھێشتا مە تێدا كار دكر، لێ د پلانا مەدایە دچەندین ڤێستیڤالاندا چ ناڤخویی یان دەرڤەی وەلاتی، بەشداریێ پێبكەین». لدوور چیرۆكا كورتە فیلمی، گوت: «چیرۆكا كورتە فیلمێ مە لدوور گەنجەكێ بەھرەمەندە و ئارەزوویا نڤیسینێ یا ھەی، لێ نەخوشییا پەنجەشێرێ دھێتێ و پشتی ژڤی نەخوشیێ رزگار دبیت، بابێ وی ھاریكاریا وی دكەت و پەرتووكا وی بۆ چاپ دكەت و ل دووماھیێ وەك كەسەكێ بەھرەمەند ب ھەلكەفتا رۆژا جیھانیا پەنجەشێرێ ل ئێك ژ كەنالێن (TV) دھتە مێهڤانكرن و ل سەر پەرتووكا خوە د ئاخڤیت». سەبارەت ئاستەنگێن كەفتینە رێكا وان و ئایا ئەڤ نوكە ئەڤ كورتە فیلمە د چ قوناغدایە؟ ئاشتی گوت: «فیلم ژ دەرھێنان و نڤیسینا منە و نوكە چوویە د قوناغا مونتاجی دا و ئەگەر بەحسا ئاستەنگان بكەین، چ كارەك یێ ب ساناھی نینە تایبەت ژی كارسازییا فیلمان و من دڤێت برێكا وە سوپاسیا ھەر كەسەكی بكەم، یێ دەستێ ھاریكاریێ بۆ مە درێژكری د بەرھەمئینانا ڤ فیلمیدا».
