کۆچی دوایی خاتوو مونیرە شێخ جەلال شێخ سەعید، خوشکی شەهیدی سەرکردە کاک ئارام، لە دڵەوە نیگەرانیكردین.
خاتوو مونیرە لە بنەماڵەیەكی كوردپەروەر، خەباتگێڕ و رۆشنبیر بوو. رۆڵ و پێگەیان لەمێژووی خەباتی گەلەكەمان هەمیشە بە درەوشاوەیی دەمێنێتەوە و مایەی شانازیی هەموو لایەكن.
بۆ ئەم خەمە گەورەیە پرسە و هاوخەمیی قووڵی خۆمان ئاڕاستەی كاك شێخ سالار، خاتوو وەزیرە و مامۆستا نەزیرە و بنەماڵە سەربەرزەكەیان دەكەم و هاوبەشی ماتەمیانم.
لە خوای گەورە داواكارم كۆچكردوو بە بەهەشتی بەرین شادبكات و سەبووری بەهەموو لایەك ببەخشێت.
دڵسۆزتان
بافڵ جەلال تاڵەبانی
سەرۆکی یەکێتیی نیشتمانیی کوردستان
