ئەمڕۆ سارینا ئەبراهامیان، رێکخەری گشتی لاوانی سۆسیالیست ئینتەرناشناڵ و وەفدی یاوەری سەردانی مەزاری سەرۆک مام جەلال ــ یان کرد و لە لایەن مەکتەبی سکرتاریەتی سەرۆک مام جەلال؛ رێکخراوی ئازادی لاوانی کوردستانەوە پێشوازیکران.
دوای دانانی تاجە گوڵینەی رێز و وەفا لەسەر مەزاری مام جەلال، رێکخەری گشتی لاوانی سۆسیالیست ئینتەرناشناڵ لە دەفتەری یادەوەرییەکاندا بە گرنگییەوە باسی لە رۆڵی سەرۆک مام جەلال کرد لە روی بایەخدانی بە لاوان و گەنجان و روونیکردەوە، پشتوانییەکانی سەرۆک مام جەلال بۆ لاوان و دەستگیرۆکردنیان لە هێنانە پێشەوە و دەرخستنی تواناکانیان جێگای پێزانین و لەبیرنەکردنە کە ئێمە بەڕێزەوە لەو خەباتەی دەڕوانین و هەمیشە یادی دەکەینەوە.
