سەۆکی کۆمەڵەی کێڵگە پەلەوەرییەکان ڕایدەگەیەنێت، لەسەرەتای ساڵی 2025 وە ڕەوشی بەرهەمهێنانی مریشک ڕوبەڕوی زیان بۆتەوە بەجۆرێک نرخی دابەزیوە و لەخوار تێچوونەوەیە.
نازم عەبدوڵڵا جاف، سەرۆکی کۆمەڵەی کێڵگە پەلەوەرییەکان، ڕایگەیاند، خاوەنی کێڵگە پەلەوەرییەکان لەسەر ئاستی هەرێمی کوردستان لە ساڵی 2024 بەبەهای زیاتر لە 100 ملیار دینار زیانیان بەرکەوتووە بەهۆکاری زۆری نەخۆشیە ڤایرۆسیەکان و ڕێگریکردن لە نەڕۆشتنی مریشک بۆ شارەکانی ناوەڕاست و خواروی عیراق لە بازگەکانی حکومەتی فیدراڵی.
ڕاشیگەیاند، هاوکاری نەکردنی حکومەت لە دابین نەکردنی سووتەمەنی و کارەبا و ڤاکسین عەلەف هۆکارێکی دیکەی زیان گەیاندنە بە کێڵگە پەلەوەرییەکان، هەموو ئەو پێداویستیانە نرخیان لە بازاڕدا گرانبووە کە دەبێتە بارگرانی بۆ خاوەن پڕۆژەکان.
سەرۆکی کۆمەڵەی کێڵگە پەلەوەرییەکان ئەوەشی ڕاگەیاند، لە سەرەتای ئەمساڵەوە نەخۆشی ڕووی لە پرۆژەکان کردووە بەجۆرێک لە %50 بەرهەمی مریشک لەناو بردووە، ئەمەش زیانێکی زۆرە بۆ بەرهەمهێنانی مریشک.
نازم جاف، داوادەکات حکومەت بەدەم ئەم کەرتەوە بێت و چیتر پشتگوێی نەخات تا زیانەکان لەوە زیاتر بەرز نەبێتەوە.
