تایبەت
رەوا سەمیر بەرێوبەری فەرمانگەی ماددەی 140 ی خانەقی سەربە هەرێمی كوردستان، ماوەی 11 ساڵە لەو پۆستەدا كاردەكات، وەك خۆی دەڵێت» ژنان هاوشانی پیاوان بێگومان توانای بەرێوبردنی ئیداریان هەیە».
رەوا سەمیر بەرێوبەری فەرمانگەی ماددەی 140ی سەربە هەرێمی كوردستان بۆ دوو توێی خانەقی وتی: ئیدارەدان هونەرە، پەیوەندیی بەڕەگەزە نییە، زیاتر لەسەر ئەزمون و هەوڵدان و توانای رێكخستنەوە وەستاوە».
لەبارەی هەرچی تواناو كراوەی ژنانی شارەكەی دەڵێت: بێگومان ژنانی خانەقی لەچاو ناوچەكانی تری دیالە و دەوروبەری كراوەترو چاو نەترسن، نەك تەنها لەبواری ئیدارە، بەڵكو تەواوی بوارەكانی تر، تەماشاكە هونەر دەیان شێوەكارو میوزیك ژەنی بەتواناو رۆشنبیر هەن، چەندین كچ و ژنی ئەم شارە نمونەی جوان پێشكەش ئەكەن».
سوپاسی مێردەكەی دەكات و دەڵێت: بەدڵنیاییەوە چ ژنی بەتوانا پێویستی بەپیاوی تێگەیشتوو هەیە، هەروەها پیاوی بەتواناش پێویستی بەپشتیوانی ژنی بەهێز هەیە، هاوسەرەكەم مامۆستایە و زیاتر لێم تێدەگات و تەنانەت هانمیش دەدات كە بەردەوام بم، ئەمە زیاتر دڵخۆشم دەكات.
لەبارەی داهاتووی خۆیەوە ووتی: وەك هەر مرۆڤێك تموحی خۆمم هەیە، بەڵام لەپێناو خزمەتی بەرژەوەندی گشتی و ئاوەدانی و گەشانەوەی خانەقی خۆشەویستمان.
