بافڵ جەلال تاڵەبانی، سەرۆکی یەکێتیی نیشتمانیی کوردستان لە ماڵی مام لە بەغدا پێشوازیکرد لە د.فوئاد حسێن، وەزیری دەرەوەی عیراق.

08:10 - 2022-07-28
عیراق
645 جار خوێندراوەتەوە

لە كۆبوونەوەكەدا دۆخی سیاسیی عیراق و هەرێم، تەواوكردنی رێكارە یاسایی و دەستوورییەكان بۆ پێكهێنانی حكومەتی نوێ و پرسی هەڵبژاردنی سەرۆككۆمار گفتوگۆی لەبارەوە كرا.
لەدرێژەی كۆبوونەوەكەدا جەخت لە یەكخستنی هەوڵەكان،  لێكتێگەیشتن و سازان لەسەر بنەمای هاوبەشیی راستەقینە كرایەوە تاوەكو حكومەتێكی نیشتمانیی خزمەتگوزار دروست بكرێت كە ببێتە مایەی سەقامگیری و خۆشگوزەرانی بۆ خەڵك.
تەوەرێكی تری كۆبوونەوەكە تایبەت بوو بە پارێزگاریكردن لە مافە نەتەوەیی و دەستوورییەكانی كورد لە عیراق و هەردوولا لەسەر یەكگوتاری و یەكهەڵوێستی كورد هاوڕابوون.

 

 

#بافڵ جەلال تاڵەبانی #بەغدا

بابەتە پەیوەندیدارەکان