باشترین یاریزانانی تۆپی پێ لە نێوان ساڵی 2010 تا 2020، نزیكه‌ی 20 یاریزانی ئه‌و کاتە بوون، له‌و ساڵانه‌دا دوو یاریزانی گەورە، لە هەموویان زیاتر به‌سه‌ر ئەوانی تردا زاڵ بوون، ئه‌وانیش کریستیانۆ رۆناڵدۆ و لیۆنێل مێسی بووە، ئەم دووانە توانیان هەشت باڵۆن دۆر لەو سەردەمەدا بەدەستبهێنن، لۆکا مۆدریچ تاکە براوەی باڵۆن دۆری سەردەمی ئەوان بووە لە ساڵی 2018 دا. مێسی و رۆناڵدۆ لە ساڵانی 2010 تا 2020 بەکۆی گشتی 1026 گۆڵیان کردووە، به کۆی گشتی 41 جام و هەشت باڵۆن دۆریان لە نێوان خۆیاندا به‌شكردووە، بۆیه ئێمه تیشك ده‌خه‌ینه سه‌ر سێ له‌و ناوه دیارانه‌ی جیهانی تۆپی پێ لە نێوان ساڵی 2010 تا 2020.
3. لوکا مۆدریچ
لۆکا مۆدریچ لە پلەی سێیەمی لیستی گەورەترین یاریزانانی تۆپی پێی نێوان ساڵی 2010 تا 2020 بووە، ئەم لە پلەی سێیەمی لیستی 20 گەورەترین یاریزانی تۆپی پێی ئەو دەیەیه، چونکە یەکێکە لەو سێ یاریزانەی لەماوەی دەیەی پێشوودا خەڵاتی باڵۆن دۆری له سه‌رده‌می لیۆ و دۆندا بەدەستهێناوە.
2. کریستیانۆ رۆناڵدۆ
ئەم خاوەنی پێنج باڵۆن دۆر و پێنج نازناوی چامپیۆنس لیگە، زیاتر لە 900 گۆڵی بۆ یانەکان و وڵاتەکەی کردووە، بەڵام، هەرگیز بەوه رازی نییە و لە هەموو کەسێک زیاتر خۆی ماندوو دەکات تا ئامانجە بەرزەکانی بەدەستبهێنێت. تەنیا بەهرەیه تا ئێستا لە تەمەنێکی بچووکەوە لەوە تێگەیشتووە به تەواوی ژیانی خۆی بۆ پیشەکەی ته‌ر‌خان بكات، لە کاتێکدا ئەو گرنگییە باوەڕپێنەکراوانه دەیخاتە سەر وردەکارییەکان بۆ چاودێریکردنی ئاستی خۆی، ئەوەش وایكردووه تاكه یاریزان بێت، کە زیاتر لە دە ساڵە، لە ئاستێکی بەرزدا یاری ده‌كات و ده‌یه‌وێت ژماره‌ی گۆڵه‌كانی بكات به 1000 گۆڵ، بۆیه قورسه یاریزانەکان بگەن به ئاستی ئەم، چونكه ناتوانن بۆ ماوەیەکی زۆر له یاریكردن وه‌ك ئه‌م بەردەوام بن.
1. لیۆنێل مێسی
هیچ یاریزانێکی تۆپی پێی مۆدێرن نییە بەراورد بکرێت بە لیۆنێل مێسی. ئەمەش زۆر باوەڕپێنەکراوە، نەک تەنیا لەبەرئەوەی کریستیانۆ رۆناڵدۆ هەیە، بەڵکو لەبەرئەوەی لە دوای ئه‌و هەموو ساڵانە زۆر یاریزان هەوڵیاندا لاسایی بکەنه‌وه، كه‌چی شكستیان هێنا.
لە سەرتاسەری جیهاندا، هه‌ر وڵاتێك مێسی تایبەت بە خۆی هەیە، كه‌چی سەرجەمیان به‌ڵێنی گه‌مژانه‌یان داوه بەوەی وه‌ك مێسی ئۆرجیناڵ بن و له ساده‌ترین كاته‌كانی یاریدا شكستیان هێناوه، چ جای وه‌ك لیۆ بیانه‌وێت خاوه‌نی مۆندیال و زۆرترین باڵۆن دۆری جیهانی بن، مێسی تاكه پاڵەوانی نیشتمانییه پێویستی به پشتگیریی كه‌س نییه، جگه له‌توانا و بلیمه‌تییه‌كانی خۆی، كه‌سیش ناتوانێت له‌م قۆناغه‌دا كۆپی ئه‌و بێت.
