سەرۆك بافڵ: لە زووترین كاتدا حكومەتێك
دروستبكەین بۆ خزمەتكردنی میللەتەكەمان
مەسرور بارزانی: ئەمە دوو جارە دوو
كۆبوونەوەی زۆرباشمان ئەنجامداوە
دوێنێ لە پیرمام، بافڵ جەلال تاڵەبانی سەرۆكی
یەكێتیی نیشتمانیی كوردستان و مەسرور بارزانی سەرۆكی حكومەتی هەرێمی كوردستان، كۆبوونەوە.
دوای كۆبوونەوەكە، سەرۆك بافڵ، رایگەیاند: كۆبوونەوەكەمان
زۆر زۆر باش بوو، لەسەر چەند شتێكی ستراتیژیی كە بۆ میللەتەكەمان باش بێت رێككەوتین،
راشیگەیاند: گفتوگۆكانمان بەردەوام دەبێت، وتیشی: ئامانجی هەردوولامان ئەوەیە كە لە
زووترین كاتدا حكومەتێك دروستبكەین بۆ خزمەتكردنی میللەتەكەمان.
هەروەها، مەسرور بارزانی سەرۆكی حكومەت، رایگەیاند:
بەخێرهاتنی كاك بافڵ دەكەین، ئەمە دوو جارە دوو كۆبوونەوەی زۆر ئەرێنی و باشمان ئەنجامداوە
بۆ تاوتوێكردنی ئەو بابەتانەی گرنگن بۆ خەڵكی كوردستان و ناوچەكەمان بەشێوەیەكی
گشتی، پێشكەوتنی زۆر باش، لێكتێگەیشتنی زۆر باش لەسەر زۆر لەو بابەتانە هەبوو.
