هونەرمەند بەشیر بۆتانی، سەرەتاكانی گەیشتن بە دنیای هونەر

هونەرمەندی دێرین بەشیر بۆتانی ساڵی 1951 لەدایكبووە و كوڕی شاعیر و نووسەری ناسراو خوالێخۆشبوو سەبری بۆتانییە، توانیویەتی خزمەتی هونەری كوردی بكات.
بەشیر بۆتانی بە دوالاپەڕەی وت: لە ساڵی 1961 باوكم بەشداری شۆڕشی كوردی لە ناوچەی موسڵ كرد، دواتر لە ساڵی 1964 بەخێزانەوە لە موسڵەوە هەڵهاتین بۆ كەركوك و لەوێ باوكم هانی دام فێری مۆسیقا ببم و پارەی پێدام بۆ كڕینی كتێبی فێركاری موزیكی ئامێری عودی جەمیل بەشیر، لە كەركوكیش پەیوەندیم كرد بە هونەرمەندان شەوكەت رەشید و قادر مەردان و حوسێن عەلی و سەڵاح داودە و فایەق داودە و عەلی عەزیز و محەمەد قەڵایی و لێیانەوە فێری موزیك و گۆرانی بووم.
وتیشی: تا ساڵی 1973 چەندین پارچە میوزیكم داهێناوە و یەكێكیان بەناوی (برایەتی)ە، هیوادارم نۆتەكانی ئاوازەكە چاپبكرێت.
رزگار شوانی-كەركوك