وەفدی یەکێتی لە ئەنجومەنی پارێزگای نەینەوا کە پێکهاتبوون لە محەمەد جاسم کاکەیی، سەرۆك فراکسیۆنی سەوز لە ئەنجومەنی پارێزگا و ویسام سالم ئەندامی ئەنجومەنی پارێزگا بەهاوڕێیەتی داود شێخ جوندی لێپرسراوی مەڵبەندی شەنگال و بەڕێوەبەری ناحیەی سنۆنی سەردانی شەنگالیان کرد چەندین دیدار و کۆبوونەوەیان ئەنجامدا.
وەفدەکە سەردانی هەریەکە لە فەرماندەیی ٢٠ی سوپای عيراق لە رۆژئاوای نەینەوایان کرد و لەلایەن لیوا روکن عەلی فازڵ، پێشوازی کران دواتریش فەرماندەیی ئۆپەراسیۆنەکانی حەشدی شەعبی بەسەرکردەوە لە لایەن خضیر مەتروحی پێشوازیکران، هەروەها بەڕێوەبەری پۆلیسی شنگالیان بەسەرکردەوە.
لەو دیدارانەدا گفتوگۆ کرا لەسەر بارودۆخی ئەمنی و ئاسایشی دەڤەرەکە و هاوکاری و پێکەوەکارکردنی هاوبەش بە ئامانجی خزمەتکردنی شارەکە کردەوە.
دواتریش کۆمەڵەی هۆزەکانی شەنگالیان بەسەرکردەوە و چاویان کەوت بە سەرۆکی کۆمەڵە و ژمارەیەك کەسایەتی و پیاوماقوڵان و لە نزیکەوە گوێیان بۆ داواکاریان گرت لە گشت وەزارەت و دامودەزگاکانی حکومەت لە لایەن وەفدەکەی یەکێتی لە ئەنجومەنی پارێزگای نەینەوا بەڵێنی جێبەجێکردنی داواکاریەکانیان درا بەزووترین کات.
هاوکات جەختیانکردوە بۆ خزمەتکردنی هاونیشتمانیان لە دەڤەرەکە بەبێ جیاوازی پێکهاتەکان كردەوە.
