نۆ بریندار لە یەكەم رۆژی جەژندا

03:12 - 2025-03-31
کوردستان
143 جار خوێندراوەتەوە

ئارۆ سامان 

لە یەكەم رۆژی جەژندا لە سنووری پارێزگای دیالە تاوەكو سەعات 12ی نیوەڕۆ نۆ كەس بەسەختی برینداربوون.
دكتۆر فارس عەزاوی بەڕێوەبەری گشتی تەندروستی دیالە بۆ كوردستانی نوێ وتی: لە یەكەم رۆژی جەژندا نۆ كەس بە رووداوی هاتوچۆ لە ناوچە جیاجیاكانی سنووری پارێزگای دیالە بریندار بوون.
وتیشی: برینی یەكێكیان سەختە و لەژێر چاودێری وردی تەندروستیدایە.
جەختیكردەوە: تیمەكانمان لەوپەڕی ئامادەباشیدان و داواكارین لەبرایانی پۆلیسی هاتوچۆ رێگەبگرن لەوەی گەنجان ماتۆڕ سكیل لێبخورن چونكە زۆرینەی رووداوەكان بەهۆی سەركێشیی ئەوانەوەیە.

بابەتە پەیوەندیدارەکان