وەزیری دەرەوەی تورکیا هەڵویستی وڵاتەکەی لەبارەی هێرشەکانی ئیسرائیل بۆ سووریا راگەیاند و دەڵێت”نامانەوێت لەناو سووریا رووبەڕووی ئیسرائیل ببینەوە”.
هاکان فیدان، وەزیری دەرەوەی تورکیا، ڕایگەیاند، هەڵوێستی ئێمە لەبارەی ئیسرائیل و هێرشەکانی روونە، ئێمە هیچ دەستوەردانێک ناکەین و ئەگەر سووریا دەیەوێت لەگەڵ ئیسرائیل بگاتە لیکتێگەیشتن ئەوە پەیوەستە بەخۆیانەوە و خۆیان بریار دەدەن.
ئاماژەی بەوەشدا، هێرشەکانی ئیسرائیل توانای حکومەتی نوێی سووریا لە شەڕی دژی داعـ.ـش کەمدەکاتەوە، ئەم هەنگاوانەی ئیسرائیل لەناوچەکە هۆکاری سەرەکی ناسەقامگیری ناوچەیەکە و بەربەستێکە بۆ هێورکردنەوەی دۆخەکە.
فیدان لەبارەی ئاڵۆزییەکانی نێوان تورکیا و ئیسرائیل رایگەیاند، ئێمە نامانەوێت لە سووریا رووبەڕووی ئیسرائیل ببینەوە، ئەو ئەگەرانە دوورن و ئێمە دەمانەوێت ناوجەکە ئارامی بەخۆیەوە ببینێت.
