كۆمپانیای شێڵی فرەڕەگەز سه‌رقاڵی لێكۆڵینه‌وه و پرس و رایه له‌گه‌ڵ راوێژكاره‌كانی سه‌باره‌ت به سووده‌كانی ئه‌گه‌ری كڕینه‌وه‌ی كۆمپانیای بریتش پترۆلیۆم، كه به (BP) ناسراوه.
به گوێره‌ی راپۆرتێكی بلومبێرگ، له‌م رۆژانه‌دا قسه و باسی كڕینه‌وه‌ی كۆمپانیای (BP) گه‌رمتربووه و پێده‌چێ شێڵ چاوه‌ڕوانی ئه‌وه بێت، نرخی پشكه‌كانی ئه‌و كۆمپانیایه زیاتر دابه‌زێت، تا بتوانێت به هه‌رزانتر بیكڕێته‌وه، به تایبه‌تیش، كه ماوه‌یه‌كه نرخی پشكه‌كانی بی پی به‌رده‌وام له دابه‌زیندایه.
CNN
