بەڕێکەوتنی حاجیانى هەرێم بەرەو مەککە دەستیپێکرد

یەکەم کاروانى حاجیانى هەرێمى کوردستان لە رێگەی وشکانییەوە بەرەو مەککە بەڕێکەوت، 19ى ئایاریش یەکەم کاروان بە رێگای ئاسمانی دەچێتە مەککە.
نیاز راغب نەقشبەندی، بەڕێوەبەری گشتیی حەج و عومرەى هەرێمى کوردستان رایگەیاند، ئەمڕۆ یەکەم کاروانی حاجیانی سنوورى پارێزگاکانى سلێمانى، هەڵەبجە و ئیدارەى گەرمیان و راپەڕینیان بەڕێکردووە بەرەو سعودیە کە ژمارەیان زیاتر لە 700 کەس بووە.
وتیشى، سبەى حاجییانى سنوورى پارێزگاکانى هەولێر و دهۆکیش بەڕێگاى وشکانى بەڕێدەکەن و 19ى مانگیش یەکەم گەشتى ئاسمانى حاجیانى هەرێمى کوردستان دەستپێدەکات و 28ى مانگیش کۆتا گەشتى حاجییانە بەڕێگەى ئاسمانى.
ئەمساڵ کۆی حاجیانی هەرێمى کوردستان ژمارەیان پێنج هەزار و 136 کەسە، لەو ژمارەیەش نزیکەى 300 کەسیان تەمەنیان سەروو 70 ساڵە.