بە هەوڵی یەكێتی، بەشە نەوتی پارێزگاكانی هەرێم دابین دەكرێت

بە هەوڵی پەرلەمانتارانی یەكێتی، وەزارەتی نەوتی عیراق بەشە نەوتی پارێزگاكانی هەرێم دابین دەكات.
دوێنێ لە كۆنگرەیەكی رۆژنامەنووسیدا، د.بڕیار رەشید ئەندامی ئەنجومەنی نوێنەران لە فراكسیۆنی یەكێتی، رایگەیاند: دوای چەندین جار لە هەوڵ و بەدواداچوونمان بۆ دابینكردنی بەشە نەوتی سپی بۆ هەرێمی كوردستان و بەتایبەتی پارێزگای سلێمانی، لە داهاتوویەكی زۆر نزیكدا وەزارەتی نەوتی عیراق بەشە نەوتی پارێزگاكانی هەرێم دابین دەكات. 
وتیشی: چەند مانگێكە بە دیاریكراوی لە 12/5ەوە بە نووسراوی رەسمی وەزارەتی نەوتی عیراق، وەڵامی ئەرێنیمان وەرگرتووە بۆ دابینكردنی بەشە نەوتی سپی بۆ هەرێمی كوردستان و بەتایبەتی بۆ پارێزگای سلێمانی، بۆ هەمان مەبەستیش چەندین سەردان و كۆبوونەوەمان لەگەڵ لێپرسراوان و لایەنی بەرپرس كردووە، كە دواجار دوێنێ 10/10 بەڵێنی ئەوەمان وەرگرت.
ئاماژەی بەوەشكرد، كە ئەو بەشە نەوتە سپییەی بۆ هەرێمی كوردستان و پارێزگای سلێمانی بڕیاری لێدراوە، دابینكراوە و ماوەتەوە سەر گواستنەوەی بۆ هەرێمی كوردستان.